მუნიციპალიტეტის მერმა ჯანდაცვის საკოორდინაციო ცენტრის ქალბატონებს ყვავილები და სიმბოლური საჩუქრები გადასცა
წყალტუბოს მუნიციპალიტეტის მერი გრიგოლ იოსელიანი “წყალტუბოს ჯანდაცვის საკოორდინაციოს ცენტრში” იმყოფებოდა და ორგანიზაციის ქალბატონებს ქალთა დღე პირადად მიულოცა.
„როცა ქვეყანაში პანდემია გამოცხადდა, ჩვენ ერთ-ერთი პირველები ვიყავით, სადაც სასტუმროებმა კოვიდ-სასტუმროს სტატუსი შეიძინეს და თვითიზოლაციის თუ სარისკო კონტაქტების მიღება დაიწყეს. ა(ა)იპ „ჯანდაცვის საკოორდინაციო ცენტრის“ თანამშრომლები და ეპიდემიოლოგები, იყვნენ ის ადამიანები, რომლებსაც პირველებს მოუხდათ ტალღის პირისპირ ყოფნა. ვირუსი კოვიდ-19 დღესაც აქტუალურია და ამ ორგანიზაციაში დასაქმებული ქალბატონები 24 საათიან რეჟიმში მუშაობენ ახლაც.უდიდეს მადლობას ვუხდი აქ მომუშავე ყველა ქალბატონს და ვულოცავ ქალთა საერთაშორისო დღეს“ –განაცხადა გრიგოლ იოსელიანმა.
ა(ა)იპ „წყალტუბოს მუნიციპალიტეტის ჯანდაცვის საკოორდინაციო ცენტრში“ ამჟამად 12 ქალბატონია დასაქმებული.
0 Comments
