- 2025-01-29
- ავტორი tskaltubo
- Category: Uncategorized @ka-ge
კომენტარები ჯერ არ არის
„სოფლის მხარდაჭერის პროგრამა – 2025“ იწყება!
წყალტუბოს მუნიციპალიტეტის მერიაში საპროექტო წინადადებების მიღება დაწყებულია და დასრულდება 3 თებერვალს .
მთავრობის დადგენილების მიხედვით, წინადადებების მიღება ხდება, როგორც ელექტრონული ფორმით, ასევე მერიასა და მერის წარმომადგენლებთან წარდგინებით.
სოფლებში შეხვედრები, საერთო კრების ფორმატში, 17,18, 19, 20, 21 თებერვალს მუნიციპალიტეტის 47 -ივე სოფელში ჩატარდება.
წყალტუბოს მუნიციპალიტეტისთვის ,,სოფლის მხარდაჭერის პროგრამის,, ფარგლებში 704 000 ლარია გამოყოფილი.
დასაფინანსებელი პროექტები განსაზღვრულია და მათ შორისაა:
სასმელი წყლის სისტემები (მათ შორის, ჭაბურღილები, წყალსადენები, სათავე ნაგებობები,გამწმენდი ნაგებობები, ჭა და ა.შ.);
სარწყავი სისტემები; სანიაღვრე არხები; ნაპირსამაგრი სამუშაოები; გზები და გზისპირა მოსაცდელები, აგრეთვე ტროტუარები და გზის შემადგენელი სხვაინფრასტრუქტურა;
ხიდები, ცხაურები, ხიდბოგირები, გადასასვლელები; გარე განათება; სკოლების მიმდებარე ტერიტორიის კეთილმოწყობა; სკოლამდელი დაწესებულებები და შესაბამისი ინვენტარი; ამბულატორიის შენობები;სასაფლაოების შემოღობვა და კეთილმოწყობა;სპორტული ინფრასტრუქტურა, მოედნები და მოედნების ინვენტარი; სკვერები, მათ შორის, საბავშვო სკვერები, შესაბამისი ინვენტარით, აგრეთვე სარეკრეაციოსივრცეები და სველი წერტილები, შესაბამისი ინვენტარით;
წისქვილების რეაბილიტაცია და შესაბამისი ინვენტარი; მინიჰესები და შესაბამისი რეაბილიტაცია/აღდგენა;გეოგრაფიული ობიექტების სახელდებისა და დამისამართების შესაბამისად, შესაბამისინიშნების, აგრეთვე ტურისტული ადგილების მიმანიშნებელი ნიშნების განთავსება;
საზოგადოებრივი ტრანსპორტი.
წყალტუბო მუნიციპალიტეტის მერის ბრძანება სამუშაო ჯგუფის შექმნის შესახებ:საპროექტო წინადადება შეგიძლიათ შეავსოთ და გამოაგზავნოთ ელექტრონულ ფოსტაზე: tskaltubo1@gmail.com
განაცხადის ფორმის შევსება შესაძლებელია მერის წარმომადგენლებთან. ასევე, შევსებული განაცხადი შეგიძლიათ დაარეგისტრიროთ წყალტუბოს მუნიციპალიტეტის მერიაში მისამართზე: ქ. წყალტუბო. რუსთაველის ქ. N25