მედალოსნების დაჯილდოვება

წყალტუბოს მუნიციპალიტეტის მერიაში წარჩინებული მოსწავლეების ოქროსა და ვერცხლის მედლებით დაჯილდოების ცერემონია გაიმართა.

მუნიციპალიტეტის მერმა გენადი ბალანჩივაძემ ახალგაზრდებს წარმატებები უსურვა და აღნიშნა, რომ წყალტუბოს განვითარებისთვის აუცილებელია სწორედ მათი იდეების, ინიციატივების მხარდაჭერა, თვითმმართველობის საქმიანობაში ჩართულობა და ახალი ინოვაციური პროექტების განხორციელება.

მედალოსნებს, პედაგოგებსა და მშობლებს დამსახურებული ჯილდოს მიღება მიულოცეს წყალტუბოს საგანმანათლებლო რესურსცენტრის უფროსმა მამუკა ჩხეტიანმა და წყალტუბოს მუნიციპალიტეტის მერის მოადგილემ გრიგოლ ყურაშვილმა.