საგზაო სამუშაოები დასრულების ფაზაშია სოფელ გვიშტიბში და სოფელ ოფშკვითში

საგზაო სამუშაოები დასრულების ფაზაშია სოფელ გვიშტიბში და სოფელ ოფშკვითში.

გვიშტიბში, მე-10 ქუჩაზე, სადაც „ ღვინის გზა“ გადის (ორი მარანია) ბეტონის საფარი იგება. ამ კონკრეტულ ქუჩაში 35 ოჯახი ცხოვრობს და როგორც ადგილობრივები აღნიშნავენ, სოფლის ამ ქუჩაზე გზა არასოდეს დაგებულა. საგზაო სამუშაოები მიმდინარეობს ამავე სოფლის მაცაბერიძეების უბანში, სადაც ბეტონის გზა დაიგება.

სოფელ ოფშკვითში დასრულების ფაზაშია ყველაზე მასშტაბური პროექტი, – 4500 მეტრის ბეტონის გზის სამუშაოები.

„სრულდება N6 ქუჩაზე კეპულაძეების უბანში, გზის მშენებლობა, ამ უბანში 100-მდე ოჯახი მუდმივად ცხოვრობს, და ეს გზა მათი გადაადგილების ერთადერთი საშუალებაა. აქამდე ყოველწლიურად ზედაპირულად ხდებოდა გზის მოხრეშვა , თუმცა უგზოობის პრობლემა ვერ გვარდებოდა.

ამიერიდან ამ უბნის მოსახლეობას ექნება გამართული საგზაო ინფრასტრუქტურა, ბეტონი გზა და სანიაღვრეები“ – – აღნიშნა წყალტუბოს მუნიციპალიტეტის მერმა გენადი ბალანჩივაძემ.

 სოფელ გვიშტიბსა და ოფშკვითში განხორციელებული პროექტები რეგიონალური განვითარების ფონდის მიერ დაფინანსდა .