საკონცერტო დარბაზ ,,ივერიაში’’ ტრადიციული საახალწლო ღონისძიება გაიმართა

საახალწლო მიუზიკლი ,,ნაძვის ხის სათამაშოების თავგადასავალი“ ა(ა)იპ ,,წყალტუბოს მუნიციპალიტეტის ბავშვთა და ახალგაზრდობის ცენტრის’’ მოსწავლე ახალგაზრდობის სახლის ვოკალური და თეატრის მოყვარულთა წრის წევრებმა წარმოადგინეს.

ღონისძიებას მუნიციპალიტეტის მერი გენადი ბალანჩივაძე, საკრებულოს თავმჯდომარე თეიმურაზ ჭეიშვილი, მერის პირველი მოადგილე გრიგოლ ყურაშვილი, კულტურის, განათლების, სპორტისა და ახალგაზრდობის საქმეთა სამსახურის უფროსი რიმა მარგიანი და თვითმმართველობის წარმომადგენლები ესწრებოდნენ.

,,ყველას გილოცავთ ახალი წლის დღესასწაულს, გისურვებთ მშვიდობას, კეთილდღეობას, წინსვლასა და ბედნიერებას. დარწმუნებული ვარ, 2025 წელი იქნება კიდევ უფრო წარმატებული, თქვენთან ერთად განვახორციელებთ ბევრ ახალ პროექტს, გავაკეთებთ ყველაფერს მომავალი თაობის კეთილდღეობისა და განვითარებისთვის“ – აღნიშნა მუნიციპალიტეტის მერმა გენადი ბალანჩივაძე.

მუნიციპალიტეტის მერის ინიციატივით ღონისძიების მონაწილეებს საახალწლო საჩუქრები დაურიგეს.