საკრებულოს მორიგი სხდომა

დეპუტატებმა დღის წესრიგით გათვალისწინებული 7 საკითხი ხმათა უმრავლესობით დაამტკიცეს.

სხდომას წყალტუბოს მუნიციპალიტეტის მერიის სტრუქტურული ერთეულის ხელმძღვანელი პირები ესწრებოდნენ.

დეპუტატებმა განიხილეს წყალტუბოს მუნიციპალიტეტის 2025 წლის ბიუჯეტის მეორე კვარტლის შესრულების საკითხი.

საკრებულოს წევრებმა მოისმინეს და დადებითად შეაფასეს ანგარიში წყალტუბოს მუნიციპალიტეტის მერიის შიდა აუდიტის სამსახურის მიერ და აგრეთვე, მერიის ეკონომიკური განვითარებისა და ქონების მართვის სამსახურის მიერ 2025 წლის I-II კვარტალში გაწეული მუშაობის შესახებ.

მუნიციპალიტეტის მერს თანხმობა მიეცა წყალტუბოს მუნიციპალიტეტის სოფელ ფარცხანაყანევში მდებარე, წყალტუბოს მუნიციპალიტეტის საკუთრებაში არსებული 537კვ. მ. მიწის ნაკვეთის (საკ.კოდი #29.11.35.011) 10 წლის ვადით, იჯარის უფლებით, აუქციონის წესით გადაცემის საკითხზე.

ასევე, მუნიციპალიტეტის მერს თანხმობა მიეცა ქალაქ წყალტუბოში, 9 აპრილის ქუჩა პირველი შესახვევი, №2-ში მდებარე, წყალტუბოს მუნიციპალიტეტის საკუთრებაში არსებული შენობის (საკ.კოდი #29.08.37. 055)პირველ სართულზე განთავსებული 164.8 კვ.მ. ფართის 1(ერთი) წლის ვადით, სარგებლობის უფლებით, პირდაპირი განკარგვის წესით, უსასყიდლო უზუფრუქტის ფორმით, ა(ა)იპ სარეაბილიტაციო ცენტრის ,, ჩვენი სახლი’’-სათვის გადაცემის საკითხზე.

საკრებულოს წევრებმა მოისმინეს და დადებითად შეაფასეს ანგარიში ა(ა)იპ „ბავშვთა ინკლუზიური ცენტრის“ მიერ 2025 წელის I-II კვარტალში გაწეული მუშაობის შესახებ.

დეპუტატებმა განიხილეს წყალტუბოს მუნიციპალიტეტის საკრებულოს წევრების (გარდა საკრებულოს თანამდებობის პირებისა) უფლებამოსილების განხორციელებასთან დაკავშირებული ხარჯების ანაზღაურების საკითხი.