საინფორმაციო-საკონსულტაციო შეხვედრა საკრებულოს თავმჯდომარეებისა და აპარატის უფროსების მონაწილეობით

წყალტუბოს მუნიციპალიტეტის საკრებულოს თავმჯდომარემ თეიმურაზ ჭეიშვილმა და საკრებულოს აპარატის უფროსმა გელა თათარაშვილმა საინფორმაციო-საკონსულტაციო შეხვედრაში მიიღეს მონაწილეობა, რომელიც გაიმართა მუნიციპალიტეტების საკრებულოს თავმჯდომარეებისა და საკრებულოს აპარატის უფროსების მონაწილეობით.

შეხვედრა პროექტის ,,საკრებულოს ეფექტიანობის ამაღლება რეგლამენტის სამართლებრივი და შინაარსობრივი მოდერნიზაციის გზით’’ -ფარგლებში ჩატარდა, რომლის მხარდამჭერია ა(ა)იპ ,,თანამონაწილეობისა და ჩართულობის ცენტრი-სიპისი’’ (CPC), სსიპ სახელმწიფო გრანტის მართვის სააგენტო და პარტნიორია საქართველოს ადგილობრივ თვითმმართველობათა ეროვნული ასოციაცია (NALAG).

პროექტი მიზნად ისახავს მუნიციპალიტეტების საკრებულოების ინსტიტუციურ გაძლიერებას, მათი საქმიანობის ეფექტიანობის ზრდასა და გადაწყვეტილების მიღების პროცესის გაუმჯობესების ხელშეწყობას.