თვითმმართველობის პირველმა პირებმა თეატრალური ფესტივალის ნომინანტებს მადლობის სიგელები გადასცეს

შეხვედრაზე ა(ა)იპ წყალტუბოს კულტურის ცენტრის მმართველმა რევაზ მესხმა თეატრის განვითარების გზებზე და მომავლის გეგმებზე ისაუბრა, რაშიც მუნიციპალიტეტის ხელმძღვანელობისგან სრული მხარდაჭერა მიიღო.

მუნიციპალიტეტის მერმა გენადი ბალანჩივაძემ მადლობა გადაუხადა ფესტივალის ნომინანტებს: სპექტაკლის რეჟისორს ზაზა კიკნაველიძეს, მხატვარს მამუკა ტყეშელაშვილს, მსახიობებს სულიკო იოსელიანს, ზურაბ ყურაშვილს. მადლობის სიგელი გადაეცათ თეატრის სამხატვრო ხელმძღვანელს ვაჟა გედენიძეს და „წყალტუბოს კულტურის ცენტრის“ მმართველს რევაზ მესხს.

შეგახსენებთ, რომ წყალტუბოს სახალხო თეატრმა წლევანდელ „იმერეთის თეატრალურ ფესტივალზე“ დავით კლდიაშვილის „სამანიშვილის დედინაცვალი“ წარადგინა. გამარჯვებული კი 4 ნომინაციაში გახდა.