წყალტუბოს მერმა, გენადი ბალანჩივაძემ, ახალგაზრდა სპორტსმენებსა და მათ მწვრთნელებს მადლობის სიგელები გადასცა

,,მიხარია, რომ სპორტის სხვადასხვა სახეობებში გვაქვს კონკრეტული შედეგები, ჩვენი ახალგაზრდა ძალოსნები, ხელბურთელები, მკლავჭიდელები საპრიზო ადგილებს იკავებენ საერთაშორისო ტურნირებზე, ასევე წარმატებით ასპარეზობენ ქვეყნის მასშტაბით. მინდა თითოეულ მათგანს ვუსურვო ახალი გამარჯვებები და წინსვლა. დარწმუნებული ვარ, რომ კიდევ ბევრჯერ გვასახელებენ. მინდა მადლობა გადავუხადო სპორტული კლუბების გაერთიანების მმართველს, მწვრთნელებს, თანამშრომლებს, ყველას ვინც ზრუნავს ჯანსაღი ცხოვრების წესის დამკვიდრებასა და სპორტის პოპულარიზაციაზე ჩვენს მწვანე ქალაქში’’-აღნიშნა მუნიციპალიტეტის მერმა, გენადი ბალანჩივაძემ.

დაჯილდოების ცერემონიალს თვითმმართველობის პირველ პირებთან ერთად წყალტუბოს მუნიციპალიტეტის საკრებულოს თავმჯდომარის მოადგილე სერგო კირკიტაძე, კულტურის, განათლების, ტურიზმის, სპორტის და ახალგაზრდულ საქმეთა კომისიის თავმჯდომარე ლევან ჩანქსელიანი, ფრაქცია „ქართული ოცნება – დემოკრატიული საქართველოს“ თავმჯდომარე გიორგი ფაჩუაშვილი, მერიის კულტურის, განათლების, სპორტისა და ახალგაზრდობის საქმეთა სამსახურის უფროსი რიმა მარგიანი ესწრებოდნენ.

ა(ა)იპ ,,წყალტუბოს სპორტული კლუბების გაერთიანების’’ მმართველის ირაკლი კუჭავას განცხადებით, მოლდოვაში მიმდინარე ჭაბუკ ძალოსანთა ევროპის ჩემპიონატზე 15 წლამდელთა (96 კგ.) შორის ჯაბა ტყეშელაშვილი ოქროსა და ვერცხლის მედალს დაეუფლა.

ევროპის პრიზიორი გახდა ძალოსანი მიხეილ ახალაძე, რომელმაც 1 ვერცხლისა და 2 ბრინჯაოს მედალი მოიპოვა.

ევროპის ჩემპიონატისთვის გამართულ შესარჩევ ტურნირზე საპრიზო ადგილები დაიკავეს ნიკოლოზ კვიცარიძემ, ქრისტინე ჟორჟოლიანმა, დავით ახალაძემ, გიგა ბერაძემ ლევან ტუსკაძემ, ზურა ჩაკვეტაძემ.

ასევე, მოლდოვაში გამართულ ევროპის ჩემპიონატზე მკლავჭიდში მესამე საპრიზო ადგილი დაიკავა ქრისტინა ჟორჟოლიანმა.

საქართველოს ჩემპიონი გახდა წყალტუბოს 13 წლამდე ვაჟთა ხელბურთის გუნდი.

ცნობილია, რომ 2023 წლის 23 ივლისიდან სტარტს აიღებს ევრო ოლიმპიადა ჭაბუკებს შორის, სადაც იასპარეზებენ წყალტუბოელი ძიუდოისტები საბა და მათე გველესიანები.