სოფელ რიონში დასრულდა მამრიკიშვილების უბანში არსებული გზის რეაბილიტაციის პროექტი

რეაბილიტირებული გზით 30-ზე მეტი ოჯახი ისარგებლებს. პროექტი რეგიონული განვითარების ფონდის დაფინანსებით განხორციელდა.

აღნიშნული გზა მაცხოვრის ფერისცვალების ეკლესიას, წმინდა ნიკოლოზის სახელობის მამათა მონასტერთან აკავშირებს.

,,მუნიციპალიტეტის სოფლებში გზების რეაბილიტაცია არის ჩვენი ერთ- ერთი ძირითადი პრიორიტეტი, ვცდილობთ, ადგილობრივი მოსახლეობის მოთხოვნის შესაბამისად მოვაწესრიგოთ საგზაო ინფრასტრუქტურა, დავგეგმოთ ისეთი პროექტები, რომლებიც მათ საჭიროებებზე იქნება მორგებული’’ -აცხადებს წყალტუბოს მუნიციპალიტეტის მერი, გენადი ბალანჩივაძე.

რიონის ადმინისტრაციულ ერთეულში მიმდინარე წელს ასევე განხორციელდა სოფელ ნოღა- ქუთაისის დამაკავშირებელი გზის რეაბილიტაციის პროექტი.

დასრულდა რიონის საჯარო სკოლის სპორტული დარბაზის რეაბილიტაციის სამუშაოები.

ბეტონის საფარი დაიგო სოფელ სორმონში, ხანთაძეების უბანში არსებულ გზაზე .