საშობაო კონცერტი სამუსიკო სკოლაში

წყალტუბოს მუნიციპალიტეტის თეიმურაზ კობახიძის სახელობის სამუსიკო სკოლაში საშობაო კონცერტი ჩატარდა.

კონცერტზე მოსწავლეებმა და პედაგოგებმა პოპულარული საახალწლო მელოდიები და ცნობილი კლასიკური საფორტეპიანო ნაწარმოებები შეასრულეს.

ღონისძიებაზე სიტყვით გამოვიდა წყალტუბოს მუნიციპალიტეტის მერი გენადი ბალანჩივაძე, რომელმაც დამდეგი ახალი 2022 წელი მიულოცა მოსწავლეებს, პედაგოგებს და მშობლებს. წყალტუბოს მერმა აღნიშნა, რომ სამუსიკო სკოლის კეთილმოწყობისა და ინფრასტრუქტურის მოწესრიგებისთვის ადგილობრივი თვითმმართველობა შესაბამის პროექტს განახორციელებს.

კონცერტს ესწრებოდნენ საკრებულოს თავმჯდომარე თეიმურაზ ჭეიშვილი, საკრებულოს თავმჯდომარის მოადგილე სერგო კირკიტაძე, კულტურის, განათლების, სპორტისა და ახალგაზრდობის კომისიის თავმჯდომარე ლევან ჩანქსელიანი, საკრებულოს წევრები, მერიის განათლების, კულტურის, სპორტისა და ახალგაზრდობის საკითხთა სამსახურის სამსახურის უფროსი რიმა მარგიანი.

სამუსიკო სკოლის დირექტორმა მარინა კვერნაძემ თანადგომისთვის მადლობა გადაუხადა მუნიციპალიტეტის მერს გენადი ბალანჩივაძეს.

სამუსიკო სკოლაში საშობაო კონცერტი კოვიდ რეგულაციების დაცვით ჩატარდა.