დამდეგი ახალი წელი კონცერტით აღნიშნეს წყალტუბოს მუნიციპალიტეტის სოფელ ფარცხანაყანევში

აღნიშნული სოფლის, ასევე კოპიტნარის დასახლების, მაღლაკის და ქვიტირის საბავშვო ბაღის აღსაზრდელებმა სკოლის მოსწავლეებთან ერთად საინტერესო და მრავალფეროვანი საახალწლო ღონისძიება წარადგინეს.

შალვა ნუცუბიძის სახელობის რეაბილიტირებულ სკვერში პატარებმა ნაძვის ხე თოვლის ბაბუასთან ერთად აანთეს.

ღონისძიება ადგილობრივი თვითმმართველობისა და ა(ა)იპ წყალტუბოს საბავშვო ბაღების გაერთიანების ორგანიზებით გაიმართა.

 საახალწლო კონცერტს წყალტუბოს მუნიციპალიტეტის მერი გენადი ბალანჩივაძე, საკრებულოს თავმჯდომარე თეიმურაზ ჭეიშვილი, მერის მოადგილე გრიგოლ ყურაშვილი და ა(ა)იპ წყალტუბოს საბავშვო ბაღების გაერთიანების მმართველი გიორგი იობიძე, ასევე ადგილობრივი თვითმმართველობის წარმომადგენლები ესწრებოდნენ.

მუნიციპალიტეტის მერმა ახალი წლის დღესასწაული მილოცვის შემდეგ ღონისძიების ორგანიზატორებს მადლობა გადაუხადა და აღნიშნა რომ საახალწლო კონცერტები გაიმართება როგორც ქალაქში, ასევე მუნიციპალიტეტის სოფლებში.