იურიდიულ საკითხთა კომისიის სხდომა

წყალტუბოს მუნიციპალიტეტის საკრებულოში იურიდიულ საკითხთა კომისიის სხდომა გაიმართა, რომელსაც კომისიის თავმჯდომარე მაკა ჭელიძე უძღვებოდა.

სხდომაზე, კომისიის წევრებმა განიხილეს საკითხი: წყალტუბოს მუნიციპალიტეტის მერიასა და საკრებულოში შრომითი ხელშეკრულებით დასაქმებულ პირთა რაოდენობის შეზღუდვიდან გამონაკლისის შეტანხმების შესახებ” წყალტუბოს მუნიციპალიტეტის საკრებულოს 2023 წლის 27 დეკემბრის  N159 (გ-49.49233612) განკარგულებაში ცვლილების შეტანის თაობაზე.

ასევე, კომისიამ იმსჯელა წყალტუბოს მუნიციპალიტეტის ბეჭდებზე უფლებამოსილებათა გამიჯვნის  საკითხში ცვლილებების შეტანის შესახებ.

დეპუტატებმა განიხილეს წყალტუბოს მუნიციპალიტეტის საკრებულოს წევრების (გარდა საკრებულოს თანამდებობის პირებისა) უფლებამოსილების განხორციელებასთან დაკავშირებული ხარჯების ანაზღაურების საკითხი.