სოციალურად დაუცველი ოჯახების დასახმარებლად საქველმოქმედო აქცია „ვიზრუნოთ ერთმანეთზე’’ დაიწყო

წყალტუბოს მუნიციპალიტეტში სოციალურად დაუცველი ოჯახების დასახმარებლად საქველმოქმედო აქცია „ვიზრუნოთ ერთმანეთზე’’ დაიწყო.
აქციის ფარგლებში მუნიციპალიტეტის მერია ადგილობრივ ბიზნეს-სექტორთან ერთად ყველაზე შეჭირვებულ ოჯახებს საკვები პროდუქტებით დაეხმარება .
დღეს მუნიციპალიტეტის მერი გენადი ბალანჩივაძე სოფელ ფარცხანაყანევში ვიტალი კუჭუხიძის 7 შვილიან ოჯახს ეწვია. ვიტალი კუჭუხიძე 2008 წლის ომის მონაწილე და ვეტერანია, ოჯახის ყველაზე უფროსი შვილი 19 წლისაა, უმცროსი კი წლინახევრის.
გენადი ბალანჩივაძემ ასევე მოინახულა სოფელ მაღლაკში ნათია ნუცუბიძის 5 შვილიანი სოციალურად დაუცველი ოჯახი. სადაც ყველაზე უმცროსი 9 წლის ელენეა.
,,ადგილობრივი თვითმმართველობა მჭიდროდ თანამშრომლობს ბიზნეს სექტორთან, მუნიციპალიტეტის მერიის ჯანდაცვისა და სოციალური სამსახურის წარმომადგენლები ატარებენ შესაბამის კვლევებს, ბიუჯეტში გათვალისწინებულ მიზნობრივ პროგრამებში ჩართვის გარდა, სოციალური მუშაკები სწავლობენ კონკრეტული ოჯახების საჭიროებებს, შემდეგ კი ვცდილობთ მათ დახმარებას, დღეს სუპერმარკეტების ქსელ „დეილის’’ ‘თანადგომით მუნიციპალიტეტში მცხოვრებ 10 ოჯახს საკვები პროდუქტები გადავეცით, მადლობას ვუხდით „დეილის“ წარმომადგენლებს, რომლებიც პირველები ჩაერთნენ ამ კეთილ საქმეში” . -აცხადებს მუნიციპალიტეტის მერი გენადი ბალანჩივაძე.
წყალტუბოში მოსახლეობის დახმარების მიზნით სოციალური აქტივობები ადგილობრივი ბიზნესის ჩართულობით მომავალშიც გაგრძელდება.