წყალტუბოს სამხატვრო სკოლაში „ოტია იოსელიანის სახელობის საკვირაო სკოლის“ მოსწავლეების ფოტო გამოფენა მოეწყო

წყალტუბოს სამხატვრო სკოლაში „ოტია იოსელიანის სახელობის საკვირაო სკოლის“ მოსწავლეების ფოტო გამოფენა მოეწყო. მომავალმა ფოტოგრაფებმა საუკეთესო ნამუშევრები წარმოადგინეს.

გამოფენა წრის ხელმძღვანელმა სულხან გოგოლაშვილმა გახსნა. „ მიხარია რომ საკუთარი გემოვნება და განსხვავებული ხედვა უყალიბდებათ ბავშვებს. ჩვენ ფოტოგრაფიის გაკვეთილებზე ფოტოს სტრუქტურულად აგებულების სწავლის გარდა ცოტა ფიზიკასაც ვსწავლობთ – ვაკვირდებით სინათლის სიჩქარეებს, ქიმიაც გვჭირდება. ხშირად ვსაუბრობთ მუსიკაზე, მწერლობაზე, თეატრზე, კინოზე . ერთად ვწყვეტთ გამოფენის თემას და კონცეფციას ამიტომაც ყოველი შემდეგი გამოფენა განსხვავებულია“, – განაცხადა წრის ხელმძღვანელმა სულხან გოგოლაშვილმა.